MILLIY KOLORIT TUSHUNCHASI TALQINI

Abstract

Adabiyot millat ruhining badiiy ifodasi sifatida har bir xalqning tarixiy tajribasi, dunyoqarashi, urf-odatlari va estetik qarashlarini o‘zida mujassam etadi. Shu nuqtayi nazardan “milliy kolorit” tushunchasi adabiyotshunoslikda muhim kategoriyalardan biri hisoblanadi. Milliy kolorit badiiy matnning tashqi bezagi emas, balki uning ichki mohiyatini belgilovchi, milliy ruhni ochib beruvchi estetik hodisa sifatida namoyon bo‘ladi. Vaqt o‘tishi bilan bu tushuncha kengayib, badiiy adabiyotda milliy o‘ziga xoslikni ifodalovchi vositalar majmuasini bildiradigan termin sifatida qo‘llanila boshladi. Ilmiy manbalarda milliy kolorit turlicha talqin qilinadi: ayrim tadqiqotchilar uni badiiy asardagi milliy muhit tasviri deb hisoblasalar, boshqalar uni xalq ruhiyati, mentaliteti va madaniy o‘ziga xosligi ifodasi sifatida izohlaydilar.