MARKAZIY OSIYO VA O‘ZBEKISTONDA IKKIQANOTLI HASHAROTLARNI O‘RGANILISH TARIXI: SHARH

Abstract

Mazkur sharh maqolada Markaziy Osiyo, jumladan O‘zbekiston hududida ikkiqanotli hasharotlar (Insecta: Diptera) faunasini o‘rganish tarixi ikki bosqich — sovet davrining bosqichi, mustaqillik davridan hozirgi kungacha — asosida tahlil qilingan. Har bir bosqichning yetakchi tadqiqotchilari, ularning asosiy ilmiy natijalari va yo‘nalishlari (sinantrop pashshalar, so‘rg‘ich pashshalar — Tabanidae, gulxo‘r pashshalar — Syrphidae) ko‘rib chiqilgan. Adabiyotlar tahlili shuni ko‘rsatadiki, mintaqada Diptera bo‘yicha muayyan yo‘nalishlarda (tabiiy ekotizimlar, tog‘ mintaqalari) sezilarli ilmiy meros to‘plangan bo‘lsa-da, sug‘oriladigan dehqonchilik agrosenozlaridagi ikkiqanotlilar faunasi hali kompleks tarzda o‘rganilmagan bo‘lib qolmoqda, bu esa ushbu yo‘nalishda yangi tadqiqotlar olib borish zaruratini ko‘rsatadi.