YUNON-RUM KURASHIDA SPORTCHILARNING MAXSUS JISMONIY TAYYORGARLIGINI TAKOMILLASHTIRISHNING ZAMONAVIY METODIK YONDASHUVLARI
Abstract
Mazkur tezisda yunon-rum kurashi bilan shug‘ullanuvchi sportchilarning maxsus jismoniy tayyorgarligini rivojlantirishning zamonaviy metodik yondashuvlari ilmiy-pedagogik nuqtai nazardan tahlil qilingan. Zamonaviy sport pedagogikasida harakatga yo‘naltirilgan kuch mashqlari, interval va kompleks yuklama metodlari, individual yondashuv hamda raqamli texnologiyalar asosida mashg‘ulotlarni tashkil etishning afzalliklari yoritilgan. Tadqiqot natijalari ushbu metodlarning sportchilarning maxsus kuch chidamliligi, tezkorligi, texnik barqarorligi va funksional imkoniyatlarini sezilarli darajada oshirishini ko‘rsatadi. Mazkur metodik tavsiyalar sport maktablari, oliy ta'lim muassasalari hamda sport klublari faoliyatida samarali foydalanish uchun tavsiya etiladi.